. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Sunday, May 24, 2009

ആറന്മുള വള്ളം കളി | Aranmula Boat Race | Kerala Tourism

ചരിത്രാന്വേഷണ കുതുകികള്‍ക്കും, ദൈവ വിശ്വാസികള്‍ക്കും ഒരുപോലെ ഇഷ്ടപ്പെട്ട വിഷയമാണ് ആറന്മുളയും അതിന്റെ സംസ്കാരിക പെരുമയും. ആറന്മുളയെ ലോക ടൂറിസം ഭൂപടത്തിന്റെ ഭാഗമാക്കി തീര്‍ത്തതില്‍ ഏറ്റവും വലിയ പങ്കു വഹിച്ചിരിക്കുന്നത് ആറന്മുള വള്ളം കളിയാണെന്നതിന് വിരുദ്ധാഭിപ്രായം ഉണ്ടാവില്ല തന്നെ.

പമ്പയെ പുളകച്ചാര്‍ത്ത്‌ അണിയിക്കുന്ന ജലോത്സവത്തിന്‍ വളരെയധികം വ്യത്യാസങ്ങളും പ്രത്യേകതകളും അവകാശപ്പെടാനുണ്ട്‌. ഈ പ്രത്യേകതകളാണു. ആറന്മുള വള്ളംകളിയെ ലോകത്ത്‌ മറ്റേതു മേളകളില്‍ നിന്നും വ്യത്യസ്തമാക്കുന്നത്‌.



ഈ ജലോത്സവം ഒരു അനുഷ്ടാനമാണ്. കായികാഭ്യാസമാണ്. സാഹിത്യാധിഷ്ടിതമാണു. ഭക്തിയുടേയും കലയുടേയും ഒരപൂര്‍വ്വ സങ്കലനം കൂടിയാണു. ഈ അഞ്ചു ഘടകങ്ങള്‍ ഒത്തു ചേരുന്നത്‌ ഉത്രിട്ടാതി ജലോത്സവം അല്ലാതെ മറ്റൊന്നില്ല എന്നുതന്നെ പറയാം. ഇവിടെയാണു ജലമേള ലോകശ്രദ്ധ അര്‍ഹിക്കുന്നത്‌.

പമ്പാനദീതട സംസ്കാരത്തിന്റെ പ്രഘോഷണമാണു ജലമേള. ആറന്മുള ക്ഷേത്രം കേന്ദ്രീകരിച്ചു നൂറ്റാണ്ടുകളായി നിലനിന്നിരുന്ന സാംസ്കാരിക പൈത്രികത്തിന്റെ ആഘോഷം കൂടിയാണു ഈ വള്ളംകളി. ഓരോ വര്‍ഷത്തെ ജലമേളയും പമ്പാനദിക്കരയിലെ ഈ സാംസ്കാരിക പൈത്രികം കൂടുതല്‍ ശക്തിപ്പെടുത്തുന്നതിനു സഹായകമാകുന്നു.



ജാതിമത ചിന്തകള്‍ വെടിഞ്ഞ്‌ നാനാജാതി മതസ്ഥരും ഏകോദര സഹോദരങ്ങളെപ്പോലെ ഒത്തു ചേര്‍ന്ന് നടത്തുന്ന മറ്റൊരു സംരംഭം വേറെ കാണാന്‍ സാധിക്കുകയില്ല. ഭക്തിയും മത്സരവും ഇഴുകി ചേരുന്ന ഈ ജലമേള ആരുടേയും മനസ്സിന്‍ ഇമ്പമേകുന്നതാണു.

ആറന്മുളയുടെ പെരുമയെന്നു വിശേഷിപ്പിക്കാവുന്ന മറ്റെല്ലാ സാംസ്കാരിക പൈത്രികങ്ങള്‍ എന്ന പോലെ തന്നെ ആറന്മുളയിലെ വള്ളം കളിയും ക്ഷേത്രവും, ക്ഷേത്രോല്‍പ്പത്തിയുമായി ബന്ധപ്പെട്ടു കിടക്കുന്നു.

കേരളത്തില്‍ അങ്ങോളമിങ്ങോളമുള്ള വള്ളം കളികളില്‍ നിന്നും ഏറെ പ്രത്യേകതകള്‍ സൂക്ഷിക്കുന്ന വള്ളം കളിയുടെ ഏറ്റവും വലിയ പ്രത്യേകത വള്ളങ്ങള്‍ തന്നെയാണ്. വള്ളങ്ങളെ കുറിച്ച് അത്രയൊന്നും അറിയാത്ത ഒരു സാധാരണക്കാരന്റെ ദൃഷ്ടിയില്‍ വെറുമൊരു ചുണ്ടന്‍ വള്ളം എന്ന വിലയിരുത്തല്‍ ഉണ്ടാ‍വാം എങ്കിലും, ആലപ്പുഴ പുന്നമടക്കായലില്‍ നടക്കുന്ന പ്രസിദ്ധമായ നെഹ്രു ട്രോഫി പോലെയുള്ള മത്സരവള്ളം കളികളില്‍ ഉപയോഗിക്കുന്ന തരത്തിലുള്ള വള്ളങ്ങള്‍ അല്ല ആറന്മുളയിലേത്. ആറന്മുളയിലെ വള്ളങ്ങളെ പള്ളിയോടങ്ങള്‍ എന്നറിയപ്പെടുന്നു.




പള്ളിയോടങ്ങളുടെ പ്രത്യേകതകള്‍


ആലപ്പുഴയിലെ മത്സരവള്ളങ്ങളില്‍ നിന്നു വ്യത്യസത്ഥമായി‌ ഈ വള്ളങ്ങള്‍ക്ക്‌ 5-6 കോല്‍ നീളം കുറവായിരിക്കും. കുട്ടനാട്ടിലെ വള്ളങ്ങളുടെ അമരം(പിന്‍ഭാഗം),കൂമ്പ്‌(മുന്‍ഭാഗം) എന്നിവ വെള്ളത്തിനോട്‌ ചേര്‍ന്നു കിടക്കുമ്പോള്‍ പള്ളിയോടങ്ങളുടെ മൂന്നില്‍ രണ്ടു ഭാഗം മാത്രമേ ജലത്തില്‍ സ്പര്‍ശിക്കുകയുള്ളൂ. നടുഭാഗം മാത്രം വെള്ളത്തില്‍ സ്പര്‍ശിച്ച് അമരവും, കൂമ്പും ജലനിരപ്പില്‍ നിന്ന് ഉയര്‍ന്നു നില്‍ക്കുന്ന ഒരു നിര്‍മാണ രീതിയാണ് പള്ളിയോടങ്ങളില്‍ അവലംബിച്ചിരിക്കുനത്. നീളം കുറയുകയും, അമരവും കൂമ്പും ജലനിരപ്പില്‍ നിന്നും ഉയര്‍ന്നു നില്‍ക്കുകയും ചെയ്യുന്നതിനാല്‍ വള്ളത്തിന്റെ വീതി കൂടുതലും ആയിരിക്കും. കുതിച്ചു പായാനുള്ള ശേഷി തുലോം കുറവായതിനാല്‍ മത്സരവള്ളം കളിയുടെ വീര്യം ആറന്മുളയില്‍ ദര്‍ശിക്കാന്‍ വരുന്നവര്‍ തീര്‍ച്ചയായും നിരാശരാവും.

അനന്ദശയനാകൃതിയിലുള്ള ഒരു പള്ളിയോടത്തില്‍ നൂറു മുതല്‍ നൂറ്റിപത്ത് വരെ ആള്‍ക്കാര്‍ കയറും. നാല് അമരകാര്‍ കാണും. പന്ത്രണ്ടടി അടി നീളമുള്ള തുഴക്കോല്‍ കൊണ്ട് ഇവരാണ് വള്ളത്തിന്റെ ഗതി നിയന്ത്രിക്കുക. ഇവര്‍ക്കു പിന്നിലായി ഒരു വരിയില്‍ രണ്ടുപേര് എന്നവണ്ണം അറുപത്തിലാല് തുഴക്കാര്‍ ഇരിക്കുന്നു. അറുപത്തിനാല് കലകളെയാണ് ഇവര്‍ പ്രതിനിധാനം ചെയ്യുന്നത്. അവര്‍ വഞ്ചിപ്പാട്ടിനൊത്ത് താളത്തില്‍ തുഴയുന്നു. സാധാരണയായി പത്ത് നിലയാളുകള്‍ക്കൊപ്പം ഇരുപത്തിയഞ്ച് പാട്ടുകാരുംഉണ്ടാവും. പാട്ടുകാര്‍ ഒരു പ്രത്യേക താളത്തില്‍ ഭഗവത് സ്തുതികള്‍ പാടും. ഇത്തിനെ വഞ്ചിപ്പാട്ട് എന്നറിയപ്പെടുന്നു. അതിന്റെ താളത്തിനനുസരിച്ച് തുഴച്ചിലുകാര്‍ തുഴയെറിയുന്നു. ആറന്മുളയിലും പരിസരങ്ങളിലും ഉള്ള പേരെടുത്ത വഞ്ചിപ്പാട്ട് കലാകാരന്മാരാണ് പ്രധാന പാട്ടുകാര്‍.




മറ്റു ജലമേളകളില്‍ നിന്നും തുഴക്കാരുടെ വേഷവിധാനത്തിലും പ്രത്യേകതകള്‍ ഉണ്ട്. പുളിയിലക്കരമുണ്ട് തലയില്‍ കെട്ടി, കൃതാവും മേല്‍മീശയും വച്ച്, പാവ് മുണ്ടുടുത്ത്, നെറ്റിയിലും രോമാവ്രതമായ മാറിലും കളഭം പൂശി, നാലുംകൂട്ടി മുറുക്കിയാണ് അമരക്കാര്‍ നില്‍ക്കുന്നത്. പണ്ട് കാലത്തെ കേരള പടനായകന്‍‌മാരെ അനുസ്മരിപ്പിക്കുന്നതാണ് ഈ വേഷം. വള്ളം ഓടിത്തുടങ്ങുന്നതോടെ ഇരുവശത്തും നില്‍ക്കുന്ന ആവേശഭരിതരായ ജനങ്ങള്‍ തോണികളിലേക്ക് വെറ്റില പറപ്പിക്കുന്നു. ചിലര്‍ അവില്‍പ്പൊതിയെറിയുന്നു. മറ്റ് ചിലര്‍ പഴക്കുല സമര്‍പ്പിക്കുന്നു. കളിയോടങ്ങളില്‍ ഭഗവത്‌സാമീപ്യമുണ്ടെന്ന വിശ്വാസമാണ് ഇതിന് കാരണം.

ആറന്മുളയിലെ പള്ളിയോടങ്ങള്‍ ക്ഷേത്രവും അതിന്റെ ചരിത്രവും, പുരാണവുമായി ബന്ധപ്പെട്ടു കിടക്കുന്നതിനാല്‍ പള്ളിയോടങ്ങളെ ക്ഷേത്രങ്ങളായി തന്നെ കണക്കാക്കപ്പെടുന്നു. പള്ളിയോടത്തിന്റെ രൂപം തന്നെ ആറന്മുളയപ്പന്‍ മുണ്ടക്കല്‍ തച്ചന് സ്വപനദര്‍ശനത്തില്‍ കൊടുത്തതാണെന്ന് വിശ്വസികപ്പെടുന്നു. കൊടിയും അമരച്ചാര്‍ത്തും കൊണ്ട അലങ്കരിച്ച പള്ളിയോടങ്ങള്‍ പ്രപഞ്ചത്തിന്റെ പ്രതിരൂപങ്ങള്‍ എന്നു വ്യാഖ്യാനിക്കപ്പെടുന്നു. നാല് അമരക്കാര്‍ നാലു വേദങ്ങളെയും, കൂമ്പില്‍ ഇരിക്കുന്ന എട്ട് തുഴകാര്‍ അഷ്ടദിക്‌പാലകന്മാരേയും, അമരത്തിന്റെ ഇരുവശവും ഉള്ള രണ്ട് വെങ്കലകുമിളകള്‍ സൂര്യനേയും ചന്ദ്രനേയും പ്രധിനിധീകരിക്കുന്നു എന്നാണ്‌ വിശ്വാസം. സവിശേഷമായ ദിവ്യത്വം കല്‍പ്പിച്ചിട്ടുള്ള പള്ളിയോടങ്ങള്‍ തിരുവാറന്മുളയപ്പന്റെ വാഹനമാണെന്നും അതില്‍ ദേവന്റെ സാന്നിധ്യം സദാ ഉണ്ടാവുമെന്നുമാണ് വിശ്വാസം. അതിനാല്‍ തന്നെ വ്രത്ശുദ്ധിയോടും, ശരീരശുദ്ധിയോടും മാത്രമേ അതില്‍ സ്പര്‍ശിക്കുക പോലും ചെയ്യാവൂ എന്നു നിഷ്കര്‍ഷിക്കുന്നു.

നിര്‍മ്മാണ രീതി

ഒരു വള്ളം നിര്‍മ്മിക്കുന്നതിന്‌ ഏക്ദേശം 15 ലക്ഷം രൂപ ചെലവാകും. ഇതിന്റെ നിര്‍മ്മാണത്തിനു ഉപയോഗിക്കുന്ന തടി ആഞ്ഞിലിയാണ്‌. പാലാ-മൂവാറ്റുപുഴ എന്നീ സ്ഥലങ്ങളില്‍ നിന്നാണ്‌ സാധാരണയായി ഇതിനു വേണ്ടിയുള്ള വലിയ ആഞ്ഞിലിത്തടികള്‍ ലഭിക്കുന്നത്‌.

ആറിന്റെ കരയില്‍ നിര്‍മ്മിക്കുന്ന മാലിപ്പുരകളില്‍ ആണ്‌ വള്ളത്തിന്റെ നിര്‍മ്മാണം നടത്തുന്നത്‌.'ഏരാവ്‌-മാതാവ്‌' എന്ന 2 നീളമുള്ള പലകകള്‍ ആണ്‌ ഒരു വള്ളത്തിന്റെ നട്ടെല്ല്. ആദ്യം കമഴ്ത്തിയിട്ട്‌ ഈ 2 പലകകള്‍ ഒരു അച്ചില്‍ ഉറപ്പിച്ച്‌ ഒരു വളവ്‌ ഉണ്ടാക്കിയെടുത്തിട്ടാണ്‌ വള്ളംപണി ആരംഭിക്കുന്നത്‌. ഈ വളവ്‌ ഉണ്ടാക്കിയെടുക്കാന്‍ സാധാരണ 3-4 മാസം വേണ്ടിവരും.

വള്ളംപണിക്കായി എഴുതപ്പെട്ട തച്ചുശാസ്ത്രം നിലവില്ല. പ്രധാന ആശാരിയുടെ മനസ്സില്‍ രൂപപ്പെടുന്ന കണക്കുകള്‍ വെച്ചാണ്‌ പണി പുരോഗമിക്കുന്നത്‌. വള്ളം പണിയാന്‍ ആവശ്യമായ 'തറകള്‍'(അഥവാ ചതുരത്തില്‍ ഉള്ള ആണികള്‍) നിര്‍മ്മിക്കുന്നത്‌ മാലിപ്പുരയില്‍ തന്നെയാണ്‌. നല്ലൊരു തൂക്കം ഇരുമ്പ്‌ വള്ളംപണിക്ക്‌ ആവശ്യമാണ്‌.ഇതുകൂടാതെ തടികള്‍ക്കിടയില്‍ കൂടി വെള്ളം കയറാതിരിക്കുവാന്‍ വേണ്ടി 'ചെഞ്ചല്യം' എന്ന ഒരു കൂട്ടുപശയും ഉപയോഗിക്കും.

പ്രധാന തച്ചന്മാര്‍

വള്ളത്തിന്റെ അവസാന അലങ്കാരപ്പണികള്‍ പ്രധാന ആശാരിയാണ്‌ ചെയ്യുന്നത്‌. പണ്ടുകാലത്ത്‌ പള്ളിയോടങ്ങള്‍ നിര്‍മ്മിച്ചിരുന്നത്‌ റാന്നി മുണ്ടപ്പുഴ തച്ചന്മാര്‍ ആയിരുന്നു. ഇന്ന് ഈ ശാഖയില്‍ നിന്ന് ആരും തന്നെ പള്ളിയോടനിര്‍മാണത്തില്‍ ഏര്‍പ്പെടുന്നില്ല. ഇപ്പോഴുള്ള പ്രധാന ശില്‍പ്പി ചങ്ങങ്കരി വേണു ആശാരി ആണ്‌. ഇതിനു മുന്‍പ്‌ കോഴിമുക്ക്‌ നാരായണന്‍ ആശാരിയും ചങ്ങങ്കരി തങ്കപ്പന്‍ ആശാരിയും ആയിരുന്നു വള്ളങ്ങള്‍ നിര്‍മ്മിച്ചിരുന്നത്‌. കോഴഞ്ചേരി, കീഴുകര, നെല്ലിക്കല്‍,കാട്ടൂര്‍ എന്നീ പള്ളിയോടങ്ങള്‍ കോഴിമുക്ക്‌ നാരായണന്‍ ആശാരി നിര്‍മ്മിച്ചതാണ്‌. പൂവത്തൂര്‍ പടിഞ്ഞാറ്‌, മാലക്കര, ഇടനാട്‌ എന്നിവ തങ്കപ്പന്‍ ആചാരി നിര്‍മ്മിച്ചതാണ്‌. ഇടയാറന്മുള, ഇടയാറന്മുള കിഴക്ക്‌, ളാക ഇടയാറന്മുള, ഇടശ്ശേരിമല, ഇടശ്ശേരിമല കിഴക്ക്‌, കീഴുവന്മഴി, വന്മഴി,ഇടപ്പാവൂര്‍-പേരൂര്‍ എന്നീ വള്ളങ്ങള്‍ നിര്‍മ്മിച്ചത്‌ വേണു ആശാരി ആണ്‌.


ചരിത്രം

ഈശ്വരാര്‍പ്പണമായാണ് ആറന്‍‌മുള വള്ളം കളി ആരംഭിച്ചത്. ചരിത്രകാരന്‍‌മാര്‍ ഇതിന് 200 കൊല്ലം പഴക്കം കല്പിക്കുന്നു. ആദ്യകാലത്ത് വെറും പള്ളിയോട ഘോഷയാത്രമാത്രമായിരുന്ന വള്ളം കളി 1972 മുതല്‍ മത്സരവള്‍ലം കളിയായി നടത്തി വരുന്നു. കേരള സര്‍ക്കാരിന്‍റെ ഓണത്തോടനുബന്ധിച്ച വിനോദ വാരാഘോഷത്തിന്‍റെ പ്രധാന ആകര്‍ണം കൂടിയാണിത്.

ഓണക്കാലത്ത്‌ ആറന്മുളയിലെ പമ്പാനദിയില്‍ നടക്കുന്ന ഈ ജലോത്സവത്തിന്‌ 'ഉത്തൃട്ടാതി വള്ളംകളി'യെന്നു പേരുണ്ട്‌. അനുഷ്ടാനപരമായ വേരുകളുണ്ട്‌ ആറന്മുള വള്ളം കളിക്ക്‌. ചിങ്ങമാസത്തിലെ ഉത്രട്ടാതി നാളിലാണ്‌ ആറന്‍മുള വള്ളംകളി നടക്കുന്നത്‌. ഇതിന്റെ ഐതിഹ്യം ആറന്മുള ശ്രീകൃഷ്ണക്ഷേത്രവുമായി ബന്ധപ്പെട്ടിരിക്കുന്നു. പണ്ട്‌ ആറന്മുള ക്ഷേത്രത്തിനടുത്ത്‌ കാട്ടൂര്‍ മനയില്‍ ഒരു കൃഷ്ണഭക്‌തനുണ്ടായിരുന്നു. ദിവസേന ഒരു തീര്‍ത്ഥാടകന്‌ തന്റെ വീട്ടില്‍ ഭക്ഷണം നല്‍കുക അദ്ദേഹത്തിന്റെ പതിവായിരുന്നു. ഒരു ദിവസം തീര്‍ത്ഥാടകരാരും വന്നു കണ്ടില്ല. അവസാനം ഒരാള്‍ വരികയും ഭക്ഷണത്തിനു ശേഷം വീണ്ടും വരണമെന്ന്‌ പറഞ്ഞപ്പോള്‍ അതു സാദ്ധ്യമല്ലെന്ന്‌ അയാള്‍ പറയുകയും ചെയ്തു. പോകാന്‍നേരം ആറന്മുള ക്ഷേത്രത്തില്‍ തന്നെ കാണാമെന്ന്‌ പറഞ്ഞ്‌ അയാള്‍ മറഞ്ഞു. അപ്പോഴാണ്‌ തീര്‍ത്ഥാടകന്‍ മറ്റാരുമല്ല സാക്ഷാല്‍ ശ്രീകൃഷ്ണനാണെന്ന്‌ ആ ബ്രാഹ്മ്ണ ഭകതന് മനസ്സിലായത്‌. അതിന്‌ ശേഷം എല്ലാ തിരുവോണനാളിലും അയാള്‍ അരിയും മറ്റ്‌ സാധനങ്ങളും സദ്യക്കായി വള്ളത്തില്‍ കൊണ്ടുവന്നിരുന്നു. ഈ തോണിയാണ് തിരുവോണ തോണി എന്നറിയപ്പെടുന്നത്. ഒരിക്കല്‍ തിരുവോണത്തോണിക്കു നേരെ വഞ്ചിക്കള്ളന്മാരുടെ ‌ ഒരാക്രമണമുണ്ടാവുകയും പിന്നീട്‌ ഇത്തരത്തിലുള്ള സംഭവങ്ങള്‍ തിരുവോണത്തോണിയുടെ സംരക്ഷണത്തിന്‌ സായുധരായ പടയാളികള്‍ പള്ളിയോടങ്ങളില്‍ അനുയാത്ര ചെയ്‌തു തുടങ്ങി. ഓണക്കോപ്പുകള്‍ കൊണ്ടു വരുന്ന പതിവ്‌ ഇന്നും തുടരുന്നു. ചുണ്ടന്‍ വള്ളങ്ങള്‍ അകമ്പടി സേവിച്ചിരുന്ന ഭൂതകാലത്തിന്റെ സ്‌മരണയില്‍ ജനകീയോത്സവമായ ആറന്മുള വള്ളംകളി രൂപമെടുക്കുകയും ചെയ്‌തു.

ആറന്മുള വള്ളംകളിയിലെ പള്ളിയോടങ്ങള്‍

പണ്ട്‌ മദ്ധ്യതിരുവിതാംകൂറില്‍ പടിഞ്ഞാറു പള്ളിപ്പാട്‌ മുതല്‍ കിഴക്ക്‌ വടശ്ശേരിക്കര വരെയായി 48 കരകളില്‍ പള്ളിയോടങ്ങള്‍ ഉണ്ടായിരുന്നു. കാലം കടന്നുപോയപ്പോള്‍ പലവള്ളങ്ങളും ജീര്‍ണ്ണാവസ്ഥയിലും പിന്നെ കരകാരുടെ വഴക്കിലും പെട്ടു നശിച്ചു പോയി. പരുമല, ഇരമല്ലിക്കര, ഇരുവെള്ളിപ്ര, പള്ളിപ്പാട്‌, മേപ്രം, വാഴാര്‍മങ്കലം, പ്രയാര്‍, പാണ്ടനാട്‌, കീക്കൊഴൂര്‍, ഐത്തല, റാന്നി, വടശ്ശേരിക്കര എന്നിങ്ങനെ പഴയ പല വള്ളങ്ങളും ഇപ്പോള്‍ പഴമക്കാരുടെ ഓര്‍മ്മകളിലെ ഉള്ളു. അടുത്തകാലത്ത്‌ ഓര്‍മ്മയായി മാറിക്കൊണ്ടിരിക്കുന്ന മഴുക്കീര്‍ എന്ന വള്ളവും. 90കളുടെ മദ്ധ്യത്തില്‍ എണ്ണം കുറഞ്ഞുകുറഞ്ഞു 27ല്‍ എത്തി നിന്നു. പിന്നീട്‌ പലകരക്കാരും വളരെ ഉത്സാഹത്തോടെ വള്ളം നിര്‍മ്മാണത്തിലേക്ക്‌ തിരിയുകയായിരുന്നു.

മദ്ധ്യതിരുവിതാംകൂറില്‍ പടിഞ്ഞാറു ചെന്നിത്തല മുതല്‍ കിഴക്ക്‌ എടപ്പാവൂര്‍ വരെയുള്ള 39 പള്ളിയോടങ്ങളാണ്‌ ഇപ്പോള്‍ ആറന്മുള വള്ളംകളിയില്‍ പങ്കെടുക്കുന്നത്‌.

1. ചെന്നിത്തല
2. കടപ്ര
3. വെണ്‍പാല-കദളിമങ്കലം
4. വന്മഴി
5. കീഴുവന്മഴി
6. മുതവഴി
7. ഉമയാറ്റുകര
8. മുണ്ടങ്കാവ്‌
9. കോടിയാട്ടുകര
10. തൈമറവുംകര*
11. മംഗലം
12. ഓതറ
13. ഇടനാട്‌
14. ആറാട്ടുപുഴ
15. കോയിപ്രം
16. മാലക്കര
17. നെല്ലിക്കല്‍
18. ഇടയാറന്മുള
19. ഇടയാറന്മുള കിഴക്ക്‌
20. ളാക ഇടയാറന്മുള
21. പൂവത്തൂര്‍ പടിഞ്ഞാറ്‌
22. പൂവത്തൂര്‍ കിഴക്ക്‌
23. തോട്ടപ്പുഴശ്ശേരി
24. ഇടശ്ശേരിമല
25. ഇടശ്ശേരിമല കിഴക്ക്‌
26. മല്ലപ്പുഴശ്ശേരി
27. മാരാമണ്‍
28. പുന്നംത്തോട്ടം
29. മേലുകര
30. കീഴുകര
31. നെടുമ്പ്രയാര്‍
32. കോഴഞ്ചേരി
33. അയിരൂര്‍
34. ചെറുകോല്‍
35. കുറിയന്നൂര്‍
36. കോറ്റാത്തൂര്‍
37. കാട്ടൂര്‍
38. ഇടപാവൂര്‍-പേരൂര്‍
39. ഇടപ്പാവൂര്‍

പള്ളിയോടങ്ങളുടെ എണ്ണം വര്‍ദ്ധിക്കുകയും കരകളില്‍ ആവേശം ഉണരുകയും ചെയ്ത ഈ സാഹചര്യത്തില്‍ നമ്മുടെ ഭാവി ജലമേളയെപ്പറ്റി ബന്ധപ്പെട്ടവര്‍ക്കു വളരെ കുണ്ഠിതമുണ്ട്‌. പ്രകൃതിയുടെ വരദാനമായ പുണ്യനദിയായ പമ്പയിന്ന് വറ്റി വരണ്ട്‌ മലീമസപ്പെട്ടിരിക്കുന്നു. അനധിക്രിതമായ മണല്‍വാരലും മാലിന്യ നിക്ഷേപവും പമ്പാനദിയില്‍ രൂപംകൊണ്ട മണല്‍പ്പുറ്റുകളും മറ്റും കാരണം പുണ്യനദി ഇന്ന് വെറും ചെളിക്കുണ്ടായി മാറി. ഇപ്പോള്‍ മിക്ക വര്‍ഷങ്ങളിലും പമ്പാനദിയില്‍ ജെ സി ബി ഉപയോഗിച്ച്‌ വള്ളംകളിക്കു തൊട്ടുമുന്‍പായി നദിയിലെ മണ്ണടിഞ്ഞ ഭാഗം നീക്കി ജലോത്സവത്തിനു സജ്ജമാക്കുക പതിവായി വന്നു. ഇതെല്ലാം ജലമേളയുടെ നടത്തിപ്പിനു തന്നെ ഭീഷണിയായി മാറിയിരിക്കുന്നു.

പള്ളിയോടങ്ങള്‍ ഓരോ വര്‍ഷവും ജലമേളയില്‍ പങ്കെടുക്കണമെങ്കില്‍ വലിയ ഭാരിച്ച സാമ്പത്തിക ബാദ്ധ്യതകള്‍ അനിഭവിക്കുന്നുണ്ട്‌. കഴിഞ്ഞ കുറേ വര്‍ഷങ്ങളായി പത്തനംതിട്ട , ആലപ്പുഴ ജില്ലാപഞ്ചായത്തുകളും ബന്ധപ്പെട്ട ബ്ലോക്ക്‌, ഗ്രാമ പഞ്ചായത്തുകളും അകമഴിഞ്ഞ ധനസഹായങ്ങള്‍ നല്‍കിയിട്ടുള്ളത്‌ സ്മരണീയമാണു. എങ്കിലും മറ്റു ജലമേളകള്‍ക്കു സര്‍ക്കാര്‍ തലത്തിലും എം പി, എം എല്‍ ഏ ഫണ്ടില്‍ നിന്നും ധാരാളം ധന സഹായങ്ങള്‍ നല്‍കുമ്പോള്‍ ഇവിടെ പേരിനുമാത്രമാണു നല്‍കുന്നത്‌. ചരിത്രപ്രസിദ്ധമായ നമ്മുടെ സംസ്കാരത്തിന്റെ തന്നെ ഭാഗമായ നമ്മുടെ ജലമേളയുടെ അന്ത:സത്തയെ ഉള്‍ക്കൊള്ളാന്‍ ബന്ധപ്പെട്ടവര്‍ക്കു കഴിയാത്തതില്‍ ഖേദമുണ്ട്‌.

23 comments:

നീര്‍വിളാകന്‍ said...

ആറന്മുളയിലെ അതിപുരാതനവും, പൌരാണികവുമായ വള്ളം കളിയെ കുറിച്ച് ഒരു കുറിപ്പ്!

Sureshkumar Punjhayil said...

Its really useful. I have seen it before. Thanks a lot for sharing such useful information. Best wishes.

Kiranz..!! said...

അപ്പോ ആറന്മുളയിൽ ചുണ്ടനിറങ്ങത്തില്ലല്യോ..:(

എം.അഷ്റഫ്. said...

വള്ളംകളിയുടെ എല്ലാ വശങ്ങളും ഉള്‍ക്കൊള്ളുന്ന നീണ്ട പ്രബന്ധം തന്നെ എഴുതിയല്ലോ. നന്ദി. ഇതൊക്കെ സംരക്ഷിക്കാന്‍ സര്‍ക്കാരിനെവിടെ നേരം..

ഉറുമ്പ്‌ /ANT said...

Great effort

വാഴക്കോടന്‍ ‍// vazhakodan said...

കൊള്ളാം നല്ല പ്രയത്നമാണ്. വളരെ ഉപകാരപ്രദവും! തുടരൂ സുഹൃത്തേ....

ഞാനും എന്‍റെ ലോകവും said...

congrates go on

പാവപ്പെട്ടവന്‍ said...

അനന്ദശയനാകൃതിയിലുള്ള മനോഹരമായ കാഴ്ച

anupama said...

dear ajith,
hearty congrats for agreat effort!thanks for the detailed study and the good reference work for the readers!
please continue your writing!
MAY GOD BLESS YOU!
sasneham,
ajith

Navaneeth said...

സുഹ്രുത്തേ
താങ്കളുടെ ലേഖനം ഒക്കെ വളരെ നന്നായിട്ടുണ്ട്‌. പക്ഷെ ഒരു കാര്യം ചൂണ്ടിക്കാണിക്കാൻ വേണ്ടിയിട്ടാണു ഇതു ഞാൻ കമന്റ്‌ ആയിട്ട്‌ എഴുതുന്നത്‌. താങ്കൾ ഈ പോസ്റ്റിൽ താങ്കളുടേതായിട്ട്‌ വളരെക്കുറച്ച്‌ മാത്രം ഉള്ളല്ലോ. ഇതിൽ താങ്കളുടെ എന്നു പറഞ്ഞു കൊടുത്തിട്ടുള്ള ഇതിലെ ഭൂരിഭാഗവും എന്റെ ഈ പോസ്റ്റിൽ നിന്നുള്ളത്‌ ആണെന്നു ചൂണ്ടിക്കാണിക്കാൻ താൽപര്യപ്പെടുന്നു.here is the link for the post
http://navaneethu.blogspot.com/2006/09/blog-post.html?zx=1d717c3820f56acd
ഇതു ഞാൻ 2006 ഇൽ എഴുതിയതാണു. താങ്കളുടേതെന്നു അവകാശപെട്ടിട്ട്‌ ഇങ്ങനെ ഒരു പോസ്റ്റ്‌ ഇടുമ്പോൾ ഈ കഴിഞ്ഞ 3 വർഷത്തിനിടക്ക്‌ നീറ്റിൽ ഇറക്കിയ വള്ളങ്ങളുടെ പേരുകൾ പോലും ഇല്ലല്ലോ.താങ്കൾ വേറെ ഒരാളുടെ പോസ്റ്റ്‌ ഉപയോഗിക്കുമ്പോൾ ചുരുങ്ങിയ പക്ഷം ഈ വിവരങ്ങൾ എവിടെ നിന്നു ലഭിച്ചതാണെന്നു ഒന്നു പരാമർശിക്കുന്നത്‌ ആണു സാമാന്യ മര്യാദ. ഇനി ഇതു വിക്കിയിൽ നിന്നു കിട്ടി എന്നാണെങ്കിൽ അതിൽ ഈ പോസ്റ്റ്‌ കൊടുത്തതും ഞാൻ തന്നെയാണു. അതു എന്റെ പോസ്റ്റിന്റെ കമന്റിൽ കൂടി ഒന്നു കണ്ണോടിച്ചാൽ മനസ്സിലാക്കാവുന്നതെ ഉള്ളു.ഇനി ഇതു വിക്കിയിൽ നിന്നു കിട്ടിയതാണെങ്കിൽ വിക്കിപീടിയക്ക്‌ ഒരു നന്ദി വാക്കെങ്കിലും എഴുതാമായിരുന്നു. ഒന്നുമല്ലെങ്കിലും നമ്മളൊക്കെ അയൽക്കാരല്ലേ മാഷെ.

നീര്‍വിളാകന്‍ said...

നവനീത്..... അഭിപ്രായത്തിന് നന്ദി..... ഞാന്‍ താങ്കളുടെ ബ്ലോഗ് കണ്ടിട്ടും കൂടിയില്ല.... ശരിയാണ് വിക്കി പീഡിയയില്‍ നിന്നും എടുത്തിട്ടില്ല എന്നു അവകാശപ്പെടുന്നുമില്ല.... താങ്കളുടെ ബ്ലോഗ് ഇപ്പോളാണ് ഞാന്‍ സന്ദര്‍ശിച്ചത്.... അതെ വിക്കീ പീഡിയയില്‍ കൊടുത്തിരിക്കുന്നതില്‍ കുറെയേറെ ഭഗം അതില്‍ ഉണ്ടെന്നുംസ്പഷ്ടം.... പക്ഷെ താങ്കള്‍ ശ്രദ്ധിക്കേണ്ട ഒരു കാര്യം അതിലുണ്ടായിരുന്നു.... ഞാന്‍ വളരെ ആധികാരികമായി വള്ളം കളിയെ കുറിച്ച് എഴുതിയതിനിടയില്‍ ചില വിവരങ്ങള്‍ വിക്കിയില്‍ നിന്നും ഉപയോഗിച്ചു എന്നത്... എന്റെ ബ്ലോഗുകള്‍ സന്ദര്‍ശിക്കുക... എനിക്ക് കുറച്ചെങ്കിലും എഴുതാന്‍ കഴിവുള്ള ആളാണെന്ന് മനസിലാകും.... വേണമെങ്കില്‍ വിക്കിയില്‍ നിന്നു എടുത്തവയെ എന്റെതായ ഭാഷയില്‍ അടിമുടി ഉടച്ചു വാര്‍ക്കാന്‍ എനിക്കു കഴിയുമായിരുന്നു.... അതു ചെയ്യാതിരുന്നത് ഞാന്‍ ചെയ്ത പ്രവര്‍ത്തിയോട് നീതി പുലര്‍ത്തുന്നത് കൊണ്ട് മാത്രമാണ്.... ഞാന്‍ മാത്രമാണ് നെറ്റ് ഉപയോഗിക്കുന്നതെന്നും, ഞാന്‍ മാത്രമാണ് വിക്കീ പീഡിയ ഉപയോഗിക്കുന്നതെന്നും കരുതാന്‍ മാത്രം മണ്ടനല്ല ഞാന്‍ എന്നും കൂടെ പറയട്ടെ.... ഇത്തരം ലേഖനങ്ങള്‍ എഴുതുമ്പോള്‍ തീര്‍ച്ചയായും അത്തരം സപ്പോര്‍ട്ടുകള്‍ വേണം.... ഐതിഹമാല എഴുതിയതു പോലും കേട്ടറിവും, അതിനു മുന്നെ കുറിച്ചു വച്ച താളിയോലകള്‍ പഠിച്ചും ആണെന്ന് താങ്കള്‍ക്ക് അറിയാമെന്നു കരുതട്ടെ..... ഇത്തരം ലേഖനങ്ങള്‍ക്ക് മുന്നേ എഴുതപ്പെട്ട ലേഖനങ്ങള്‍ വായ്മൊഴികള്‍ എന്നിവ തീര്‍ച്ചയായും വേണമെന്നിരിക്കെ നിസാരമായ ഒന്നോ രണ്ടോ ഖണ്ഡികകള്‍ സമാനമായി കണ്ടു എന്ന കാരണത്താല്‍ ഒരു മോഷ്ടാവ് എന്ന രീതിയില്‍ എന്നെ ഇവിടെ ചിത്രീകരിക്കേണ്ട ആവ്ശ്യമുണ്ടായിരുന്നോ എന്നു ചിന്തിക്കുക.... എന്റെയും, താങ്കളുടെയും നാടിനെ ഒരാള്‍ കൂടി അയാളുടെ ഭാഗത്തു നിന്ന് ചിത്രീകരിച്ചതിനെ അഭിനന്ദിക്കുകയും, അയാള്‍ തന്നില്‍ നിന്നും എന്തെങ്കിലും കടമ്മേടുത്തുട്ടുണ്ടെങ്കില്‍ അതില്‍ സ്വയം അതില്‍ സന്തോഷിക്കുകയും ചെയ്യേണ്ടതിനു പകരം ഇങ്ങനെ അപമാനിക്കരിതായിരുന്നു..... എന്തായാലും അതിലും താങ്കള്‍ ഒരു നിര്‍വൃതി കണ്ടെത്തി എന്നു ഞാന്‍ മനസിലാക്കുന്നു.... ഒരായിരം നന്ദി!

കാട്ടിപ്പരുത്തി said...

നന്നായിട്ടുണ്ട്- നല്ല പ്രയത്നം

കാട്ടിപ്പരുത്തി said...

നന്നായിട്ടുണ്ട്- നല്ല പ്രയത്നം

അനില്‍@ബ്ലോഗ് said...

നിര്‍വിളാകന്‍,
നവനീത് പറഞ്ഞത് കാര്യമാക്കേണ്ട.
സ്ഥലങ്ങള്‍,ഐതീഹ്യങ്ങള്‍ എന്നിവയൊക്കെപ്പറ്റി പറയുമ്പോള്‍ “നമ്മുടേതായി” എന്തെങ്കിലും ഗവേഷണം നടത്തി കണ്ടുപിടിക്കാനുണ്ടാവില്ല എന്നാര്‍ക്കാണ് അറിയാത്തത്. ഐതീഹ്യമാല തുടങ്ങിയ ഗ്രന്ധങ്ങളില്‍ പറഞ്ഞിട്ടുള്ള കാര്യങ്ങള്‍ തന്നെയാണ് ഈ വിക്കി എന്നുപറയുന്ന സംഭവത്തിലും കണ്ടെത്താനാവൂ.
ആറന്മുളക്കാരനായ താങ്കള്‍ വള്ളം കളിയെപ്പറ്റി പറഞ്ഞാല്‍ “ഞാനിത് മുന്നേ പോസ്റ്റ് ചെയ്തിരുന്നു“ എന്ന് പറയാനാര്‍ക്കും അവകാശമൊന്നുമില്ല.
അതുവിട്ടേരെ, താങ്കളുടെ ശ്രമം തുടരുക.

Navaneeth said...

മാഷെ ഞാൻ ഇതൊരു വഴക്ക്‌ ഉണ്ടാക്കാൻ വേണ്ടി പറഞ്ഞതാണെന്നു തെറ്റിധരിക്കെല്ലേ... ഞാൻ താങ്കളുടെ ബ്ലോഗുകൾ വായിക്കാറുണ്ട്‌. സ്വന്തം നാടിനെ പറ്റി കുറെ കാര്യങ്ങൾ താങ്കളുടെ ബ്ലോഗിൽ നിന്നു ഞാൻ വായിച്ച്ചിട്ടും ഉണ്ട്‌.ദയവു ചെയ്ത്‌ ഇതൊരു വഴക്കാണെന്നും താങ്കളെ ഞാൻ മോഷ്ടാവ്‌ എന്നു വിളിച്ചു എന്നും മറ്റും വ്യാഖ്യാനിക്കരുതെ. ഒരു അപേക്ഷ ആണു.താങ്കൾക്ക്‌ എഴുതാൻ കഴിവില്ല എന്നൊന്നും ഞാൻ ഒരിക്കലും പറഞ്ഞിട്ടില്ല.. താങ്കളുടെ പോസ്റ്റുകൾ വായിക്കുന്ന ഒരാൾ ആയതു കൊണ്ടാണെല്ലോ ഞാൻ ഈ പോസ്റ്റും വായിച്ചത്‌. ഇനിയും നാടിനെക്കുറിച്ച്‌ എഴുതുക. താങ്കൾ അതിനെ തെറ്റിധരിച്ചു എന്നതിൽ എനിക്ക്‌ വിഷമം ഉണ്ട്‌.. ഞാൻ അതിനു ക്ഷമ ചോദിക്കുന്നു. താങ്കൾ പറഞ്ഞത്‌ തന്നെ ഒന്നൂടെ ഇവിടെ പറയട്ടെ. നമ്മൾ ഒരു നാട്ടുകാരല്ലേ.. എപ്പൊളെങ്കിലും നമ്മൾ കണ്ടുമുട്ടിയാലോ...അതിനും സാധ്യത ഉണ്ടെല്ലോ :)

നീര്‍വിളാകന്‍ said...

നവനീത്... താങ്കള്‍ പറയുന്നു താങ്കളെ തെട്ടിദ്ധരിച്ചു എന്ന്... അതൊരു തെറ്റിദ്ധാരണയല്ല എന്നു താങ്കള്‍ മുന്‍പ്പിട്ട കമന്റ് ഒരു പ്രാവശ്യംകുടി വായിച്ചു നോക്കിയാല്‍ മനസിലാക്കാവുന്നതെയുള്ളു.... വ്യങ്യ ഭാഷയില്‍ താങ്കള്‍ ഉദ്ദേശിച്ചത് ഇതില്‍ ഒന്നുമില്ല, ഇതിലെ ഏറിയ ഭാഗവും താങ്കള്‍ എഴുതിയതാണല്ലോ, പിന്നെ എന്തു പുതുമ എന്നാല്ലെ? മലയാള ഭാഷ എങ്ങനെയൊക്കെ വളച്ചാലും അതു വായിച്ചാല്‍ എനിക്കു മനസിലാകും നവനീത്.... ഞാന്‍ താങ്കളുടെ ബ്ലോഗ് വായിച്ചിട്ടില്ല എങ്കിലും താങ്കള്‍ എഴുതിയ വിക്കിയില്‍ നിന്നും ചില ഭാഗങ്ങള്‍ ഇവിടെ വരാന്‍ ഇടയായതില്‍ ഖേദിക്കുന്നു... അതിനു താങ്കളൊട് ക്ഷമയും ചോദീക്കുന്നു... എഴുതിയതില്‍ എന്തെങ്കിലും തെറ്റുകുറ്റങ്ങള്‍ ഉണ്ടങ്കില്‍ തിരുത്താന്‍ സഹായിക്കുമല്ലോ?

സൂത്രന്‍..!! said...

Great Plz Countinue

hAnLLaLaTh said...

ആദ്യ വീഡിയോ മാത്രെമേ എനിക്കിപ്പോ കാണാന്‍ പറ്റുന്നുള്ളൂ...
പിന്നീട് ഒന്ന് കൂടി നോക്കാം...
വിവരണങ്ങള്‍ക്കു നന്ദി..

ദീപക് രാജ്|Deepak Raj said...

നീര്‍വിളാകന്‍,
നല്ല ഉദ്യമം നന്നായി. ഈയിടെയായി ഇത്തരത്തില്‍ കുറെ പോസ്റ്റുകള്‍ ഇടുന്നുണ്ടല്ലോ. എല്ലാം കൊള്ളാം.

grahanila said...

നീർവിളകൻ, നന്നായിട്ടുണ്ട്. വള്ളംകളി ഒരു നാടിന്റെ തന്നെ സിരകളിൽ എത്ര ഇഴ ചേർന്നിരിക്കുന്നു എന്നതു വിസ്മയകരമാണ്. പിന്നെ ചിലപ്പോൾ പറഞ്ഞുകേൾക്കുന്ന നാലും അഞ്ചും നൂറ്റാണ്ടുകളുടെ അവകാശവാദമൊന്നും നിരത്താതെ കുറച്ചുകൂടി റിയലിസ്റ്റിക് ആയ കാലപ്പഴക്കം (200 കൊല്ലം) കല്പിച്ചതും ഉചിതമായി. എത്ര പഴയതാണ് എന്നതിനേക്കാൾ എത്ര മനോഹരമായി ഇപ്പോൾ ഒരു നാടു മുഴുവൻ അതു ആഘോഷിക്കുന്നു എന്നതിലാണ് കാര്യമെന്നു ഞാൻ കരുതുന്നു. ഒരിക്കൽകൂടി അനുമോദനങ്ങൾ. വിക്കിയിലെ വിവരങ്ങൾക്കു നവനീതിനും നന്ദി

പി എ അനിഷ്, എളനാട് said...

വളരെ മികച്ച ഒരു പോസ്റ്റാണിത്.വിവരങ്ങളെ, അത് വിക്കിയില്‍ നിന്നെടുത്താലും വളരെ നന്നായി ക്രോഡീകരിച്ചിരിക്കുന്നു.

bilatthipattanam said...

ഞങ്ങളെ പോലെയുള്ള വടക്കന്മാർക്ക് ;ആറമുള്ളചരിതം/വള്ളം കളി നല്ലൊരു കാണൽ/കേൾക്കൽ/വായന അനുഭവങ്ങളായി..കേട്ടോ‍

റൈന്‍സാദു് said...

vayichu nannayittundu
ippol neramailla
namukk chattu cheyyumbol samsarikkam